قيزيل گول
قيزيل گول عرض دير گوزل جوهريندن كه پيدا اولوبدور مبارك تريندن
قمر نور آلارميش رخ انوريندن قيزيل گول ياغارميش مبارك تريندن
بو دنياني سيراب ائديب مشربي او دنياني سيراب ائدر كوثريندن
ملائك گوزل خلقونا اولدي مبهوت بو معنا اوچون فكر قيل بير دريندن
همي نور آليب آسماندان همي ساچيب نور گويه عترت اطهريندن
اگر نور دور مبعثي ، باخ غديره كه نورٌ علِِي نور اولور حيدريندن
بهانه ايدي جبريله قرآن گتيرماق گليب فيض آلار میش گوزل محضريندن
جفاکار اوچون قاش قاباق گوستريب اؤ پوب لطف ايله کارگر اللريندن
خديجه گؤرنده اونو ، گنج عشق گئچيب دور او گنج اوسته سيم و زريندن
گؤزل خلقو جنت باغين گؤسترير گئلير پند لقمان سسي منبريندن
حساب و كتاب اهلي دير اول جناب ترازو سي وار عدل اوچون حيدريندن
گئدن دمده معراجه جبريل ايله ائديب بيم جبريل او دم شهپريندن